Stjórnsýsluréttur

Stjórnsýsluréttur lýtur m. a. að þeim réttarreglum sem gilda um samskipti stjórnvalda og borgaranna og málsmeðferð þegar stjórnvöld taka ákvörðun um réttindi og skyldur einstaklinga og lögaðila. Almennt eru þessi samskipti einföld og vel á færi einstaklinganna sjálfra sem hlut eiga að máli.

Þegar stjórnvöld taka ákvarðanir um rétt eða skyldu manna eða lögaðila ber þeim við málsmeðferðina að uppfylla ríkar skyldur á grundvelli stjórnsýslulaga og almennra efnisreglna stjórnsýsluréttar. Stjórnvöldum ber þannig að stuðla að því almennir borgarar geti gætt hagsmuna sinna sjálfir með því að leiðbeina, rannsaka mál, vekja athygli borgara á mikilvægum atriðum og gefa þeim kost á að tjá sig um efni máls og veita andmæli.

Þrátt fyrir þetta geta mál oft verið það flókin að nauðsynlegt er að leita aðstoðar sérfræðinga. Við hjá Porto lögmannsstofu leiðbeinum viðskiptavinum okkar um réttindi þeirra og skyldur og önnumst málsmeðferðina að hluta eða öllu leyti ef viðskiptavinir óska þess.  

Við hjá Porto lögmannsstofu veitum ráðgjöf og málsmeðferð á öllum sviðum stjórnsýsluréttar, hvort sem um er að ræða umsóknir, kærur, leyfi eða önnur mál sem beinast að stjórnvöldum.

Við aðstoðum einstaklinga, fyrirtæki, stofnanir, félagasamtök og stéttafélög t. d. við:

• málsmeðferð í tengslum við ákvarðanir um réttindi og skyldur,
• kærur og áfrýjanir vegna ákvarðana stjórnvalda,
• samskipti við eftirlitsstofnanir, t. d. í tengslum við beitingu þvingunarráðstafana eða stjórnsýsluviðurlaga,
• réttindamál opinberra starfsmanna, svo sem mál er varða ráðningar, áminningar eða starfslok,
• réttindamál einstaklinga sem tengjast t. d. almannatryggingum, sjúkratryggingum, félagslegri aðstoð og þjónustu við fatlaða,
• umsóknir um opinber leyfi, t. d. starfs- og rekstrarleyfi,
• opinber skráning fyrirtækja, fyrirtækja og stofanana,
• ritun álitsgerða, umsagnir við lagafrumvörp,
• önnur stjórnsýslumál.

Við leggjum áherslu á skýra, heildstæða og lausnamiðaða nálgun, fyrir einstaklinga, fyrirtæki, stofnanir og stéttafélög.

Ef þig vantar lögfræðilega aðstoð við stjórnsýslumál, hafðu samband og við skoðum málið með þér og finnum lausnina fyrir þig.