Á Íslandi er sjávarútvegur undirstöðugrein. Landfræðileg staða landsins hefur í för með sér að við erum verulega háð siglingum við út- og innflutning. Fiskveiðar og sjóflutningar eru því á meðal meginstoða íslensks atvinnulífs.
Lagaumhverfi siglinga er að mestu nokkuð sértækt. Reglur sem gilda um siglingar gilda þannig almennt ekki um önnur svið. Á móti gilda reglur sem eiga við í landi almennt ekki við um siglingar. Gott dæmi um þetta er vinnuverndarlöggjöf en grundvallarlög vinnuverndar í landi gilda almennt ekki um borð í skipum. Vinnuvernd sjómanna fer því eftir sérstökum reglum sem ná almennt ekki til annarra.
Lagaumhverfi fiskveiða er svo enn sértækara. Þær reglur sem um fiskveiðar gilda krefjast margar hverjar góðrar þekkingar á starfsumhverfinu. Reglurnar geta verið illa skiljanlegar þeim sem ekki búa yfir lágmarksþekkingu á því sviði.
Lögmaður Porto hefur að baki 17 ára feril sem skipstjórnarmaður í íslenska fiskiskipaflotanum og sinnir kennslu í sjórétti á sviði innanlands- og millilandasiglinga við Skipstjórnarskóla Tækniskólans. Innan Porto er því til staðar veruleg þekking á starfsumhverfi sjávarútvegs og þeim sértæku réttarreglum sem reynt getur á í því umhverfi.
Porto lögmannsstofa tekur að sér að annast hvers kyns mál á sviði sjávarútvegs og sjóréttar
