Erfðaréttur

Erfðaréttur snýst um hvernig eignum einstaklings er skipt eftir andlát hans. Ágreiningur um arf getur verið flókinn og tilfinningaþrunginn, sértaklega þegar hagsmunir erfingja rekast á eða þegar vafi leikur á vilja hins látna. Íslensk löggjöf hefur skýran ramma um hvernig leysa skuli úr slíkum deilum, fyrst og fremst með ákvæðum erfðalaga og laga um skipti á dánarbúum o.fl.

Erfðaskrár og erfðareglur almennt hafa það að markmiði að greiða fyrir eðlilegri eignayfirfærslu milli kynslóða. Lögbundnum erfðareglum er ætlað að endurspegla aðilaskipti að eignum með þeim hætti sem meiri hluti borgaranna telur eðlilegt á hverjum tíma. Með erfðaskrá er svo einstaklingum gert fært að ráðstafa eignum sínum í samræmi við vilja sinn með ákveðnum takmörkunum.

Ef engin erfðaskrá er til staðar erfast eignir í samræmi við erfðalög. Reglur erfðalaga leiða til þess að arfur rennur til tiltekinna ættingja hins látna eftir ákveðinni forgangsröð. Ef arfleifandi vill haga erfðum eftir sig með einhverjum öðrum hætti þarf að mæla fyrir um það í erfðaskrá.

Með aðstoð lögmanns með sérþekkingu á erfðarétti má forðast óvissu, draga úr hættu á deilum og tryggja að eignum sé ráðstafað í samræmi við óskir hins látna með erfðaskránni.

Talaðu við sérfræðing í erfðarétti sem hjálpar þér að finna rétta lausn. Við hjá Porto lögmannsstofu leggjum áherslu á faglega og persónulega þjónustu. Við útbúum erfðaskrá í samræmi við þínar óskir, aðstoðum við að ganga frá fyrirfram greiddum arfi, skiptum dánarbúum og aðstoðum við lausn deilumála.

Hafðu samband, við finnum lausnina fyrir þig.